真的不是專門店？@ N.O.T. Specialty Coffee

5-7-2014

週末相約 C 氏伉儷到富聲飲茶，離開時其實已近 90% 飽，但一直想試的 N.O.T. Specialty Coffee 就正正在樓下，來到門前還剛好有 2 人位子，唔係唔順道試埋呀嘛？

大蝗蟲選了「大杯裝」的 caffe latte (HKD28)，質地蠻滑溜的，咖啡味也香，對我而言奶味卻偏重了一點。嗯，或許「細杯裝」的 (piccolo latte) 會較啱我飲吧。

我點了 single shot espresso macchiato (HKD20)，集 medium bodied、香、濃郁於一身，酸味不輕但也是可以接受的程度，比 caffe latte 更對口味矣。

坐著喝著，老闆 (?) 忽然問我們「飲唔飲 hand drip」，事緣他們來了一款新咖啡豆，叫 Panama NPGE Lychello 甚麼的，「唔係咁好飲嘅唧，不過免費嘅，試吓無妨」，說罷便斟了一個 shot 請我們淺嚐，我們也就老實不客氣了。質地非常薄身，口味非常 light，甚至有點「果汁」的感覺，果然不太喜歡，哈哈。不過點都好啦，算是見識過吧。

平均消費比中、上環的咖啡店低得多，蠻抵飲的。雖然小店沒舒適的梳化椅，只有 bar 檯、高櫈，環境不算很舒適（即係，這裡絕不是適合 "bring a book and have a coffee" 的地方），店員們倒是友善又風趣，邊喝咖啡邊跟他們吹吹水，也無妨啊。

味道：3.5/5
環境：3/5
服務：5/5

N.O.T. Specialty Coffee
灣仔謝斐道 324 號三湘大廈地下 G3 號舖
http://www.facebook.com/pages/NOT-Specialty-Coffee/720312224662364