我們的自家出品 -- 鮮蘆筍炒牛粒

往酒店中菜廳或是精緻一點的粵菜館吃飯，餐牌上總有一款「xx 爆和牛」或「xxx 牛柳粒」，但其實自己在家做也非常簡單，用料好的話，基本上是零失敗的料理呢。以前弄過的蒜片牛柳粒固然既簡單又好吃，但下點「綠色嘢」同炒也不錯嘛（順便迫大蝗蟲多吃一點菜才是重點，嘿嘿），結果在 Google 找來大師姐《不如在家吃》的「日本尖椒炒肉眼粒」食譜作參考，然後自行以蘆筍代替我倆都避之則吉的椒類，哈哈。

想吃到軟、滑兼備的牛粒，日本和牛固然是首選，但往往超肥又超貴，我就真係唔捨得食了，還是用便宜一點的 冰鮮 US Angus prime rib eye 好了 — 既然是 "prime" grade 的美國牛肉，肉味、肉質一定不會差到哪裡去吧。

 一塊 236g 剛好夠 2 人份量

買回來先用廚房紙抹乾水份，然後切丁。

加入 生抽 1 湯匙、糖、生粉 各半茶匙 以及 食油 2 茶匙 拌勻，醃 1 小時左右。

在一田買牛扒，順道也買了 墨西哥青蘆筍，一包重 230g 左右。

洗淨、抹乾水份後，把蘆筍最底的 3cm 切走，然後把表面的硬皮削去，再斜切成段。

杏鮑菇 1 隻。

係咁易洗淨並抹乾水份後，切丁。

還有用來起鑊的 蔥（切段）、薑、蒜 及 乾蔥（切片），份量隨意。

燒熱平底鑊，中大火 把牛粒兩面煎香。

用牛脂起鑊

期間 千萬不要翻來翻去；而弄至 medium 的話，每面大概煎兩分鐘 吧？煎好後撈返上來備用。

煎牛粒的同時，燒熱另一隻油鑊，加入 薑、蒜 以 中火炒香。

轉大火，加入蘆筍、杏鮑菇兜炒。

灒一圈紹酒，下 鹽 1/3 茶匙 及 糖 1/2 茶匙 炒勻，直至杏鮑菇表面略帶金黃色。

撈返上來備用。

燒熱油鑊，轉中火，加入料頭炒香。

轉大火，灒一圈紹酒，然後把牛粒、蘆筍及杏鮑菇回鑊兜兩兜。

再灒一圈紹酒，最後加入 生抽 2 茶匙 及 糖 1/3 茶匙 作最後調味。

食得！蘆筍炒至剛熟，杏鮑菇炒得剛好，後者帶 meaty，前者更是爽甜無比，作為「綠葉」非常稱職。

至於主角肉眼粒嘛，中間呈淡粉紅色，吃起來軟熟嫩滑又肉味香濃，大成功［跳起 Yeah］！