13-9-2017
較早前要獨自在外面吃晚餐，當時已打算到試試 Doppio Zero 附近這家 贏麵，走著走著卻又去了吃 海南雞飯；事隔兩個多月後，是日終於有時間跑一轉上環，當然打死不想再錯過 — 這一帶的店子 turn 得那麼快，有得吃就吃咗先吧。
平日約 2:15pm 到步，店內只有兩、三個客人（包括我在內）在等食／食緊嘢；嗯，1:15pm 來的話，相信是完全不同的「打仗」場面吧？
吃辣嘢總會來一杯豆漿，店員卻說是日飲品只有汽水或 凍檸茶（跟餐價 HKD7），那喝後者好了。茶底不濃，但味道清新乾淨沒澀味，而且不會太甜，又比預期好喝喎。
涼拌招風豬耳 (HKD38)：賣相有點不修邊幅，豬耳更是超粗切，吃起來脆得有點硬，然而 中辣 醬汁麻、辣兼備且帶陣陣麻油香，加加埋埋，其實味道不錯啊。
紅燒五香牛麵（牛腩、牛筋、牛肚、牛舌）(HKD58)：選了 小辣，同樣麻、辣兼備，然而不知是否因為這是熱食，感覺上辣度跟小食的中辣相差無幾？
麵底是白麵條，幼如天使麵，質感軟軟糊糊，甚至令人想起福建麵線，平日吃ラーメン總剔「硬」的我，固然幾唔欣賞了；幸而湯底滿香濃刺激的，麵條吸收湯底後，味道仍不錯啦。
餸料方面，牛腩 是最差勁的一款，超瘦又超硬柴，真慶幸份量不多矣。
牛筋 則入味又軟糯，愛吃「トロトロ」又不會煙韌彈牙的骨膠原的話，要一試啊。
牛舌 是薄切又軟扒扒的，幸而不失甘香又不會羶，也不錯。
牛肚 顏色不深，但滷得入味又有陣陣香料的甘香，質地軟熟得來有 Q 彈咬口，是 4 餸當中最好吃的一款呢。
埋單 HKD103，雖然招呼幾混亂吓（我逗留的半小時內，堂食落單、埋單的人全程只有 3、4 個，店員咁都可以搞得錯，還差點收少了我 30 幾蚊，夠混亂了吧？），但小試牛刀食物不錯，嗜辣又唔趕時間的話，也可以一試的。
環境：2.5/5
服務：2.5/5
贏麵 四川風味
----------------
吃完辣麵尚有點時間，當然又順便喝杯 flat white 才離開上環了。以前幾乎只會去 Cupping Room，但它附近開了一間叫 Kaffeine 的咖啡店，「貪新」多於「念舊」的我，就當然試新嘢吧。
還記得上年倫敦之行 bookmark 了一間叫 Kaffeine 的咖啡店，最後卻因為唔順路又無時間而緣慳一面；不過嘛，香港這間 Kaffeine 不論是門外白底黑字加個 logo 的招牌，還是室內以米、白、木色為主的設計，與倫敦店完全不同風格，應該就是代表「與倫敦嗰間無關係」吧。
環境：3/5
服務：4/5
Kaffeine
No comments:
Post a Comment