我們的自家出品 -- 和風浸菠菜

話說較早前大蝗蟲要出門幾日，出發前卻預先醃了一件銀鱈魚西京燒給我焗來吃（還買了一堆日式食材方便我自己弄一些簡單的一人晚飯，謝謝啊！）；我吃魚以外還想吃點菜，不如買點菠菜弄個 ほうれん草のお浸し？起碼比炒碟蒜蓉白菜仔或椒絲腐乳通菜夾味得多吧，哈哈。

向 Google 大神索取參考食譜，得悉日本人往往只會拿這一味作前菜，而且可以換成小松菜、青梗菜、水菜、わさび菜，甚至オクラ或アスパラ都得，不過我一條友煮、一條友吃，唔通同菜檔阿姐講要「2 両」菠菜咩，未俾人 X 過乎？所以我買了半斤用來做「兩餸」之其一，嘿嘿。

除根、洗淨後，燒一鍋水把菠菜烚熟。

別烚太久啊，不然太軟扒扒不好吃的啦

拿上來沖凍水，並用手捏乾水份。

可切成「前菜」份量。

另準備昆布柴魚高湯（鰹と昆布のだし）約 250mL。

混合 醤油、味醂 各 2 湯匙 拌勻，滾起後立即關火放至室溫。

把湯汁與菠菜結合，然後成碗／盒嘢放入雪櫃，讓它 rest 最少 1.5 小時。

上檯前撒點 鰹魚花，食得！做法超簡單，吃起來也既清涼又鮮甜，以後自煮日本嘢有菜食了，哈哈。