意粉，基本上最普通的 spaghetti、闊條麵 (fettuccine)、扁意粉 (linguine)、長通粉 (penne / rigatoni)、蝴蝶粉 (farfalle)、貓耳朵粉 (orrechiette) etc etc 任何一款都得，總之都是燒滾一鍋鹽水把意粉煮「al dente 再減 1 分鐘」咁耐吧。煮好後，留起 煮意粉水 (pasta water) 50mL，意粉則瀝水備用，但 千萬不要過冷河 千萬不要過冷河 千萬不要過冷河！很重要所以要說三次！
 |
| 我最常用 螺絲粉 (fusilli)，1 人份約 125g |
準備 洋蔥 半個 及 蒜瓣 兩粒，剁碎。
菠菜 兩、三棵，去根、洗淨、瀝乾。
燒一大鍋水把 菠菜烚 3、4 分鐘至熟透，撈返上來浸冰水或沖凍水（旨在把熱力停止，以防菠菜變黃），並用手捏乾水份。
烚煮菠菜之同時，燒熱平底鑊，加入 有鹽牛油 1 湯匙，再加入 洋蔥、蒜末 以 中小火 sweat 至洋蔥變軟、變透明。
拌炒洋蔥、蒜末之時，我還灒了 白酒 2 茶匙 deglaze 鍋子，進一步釋放食材香味。
把 熟菠菜、熟洋蔥蒜末、全脂牛奶 50mL、上述 煮意粉水 50mL，以及 鹽、黑胡椒 及 鮮磨肉豆蔻 (fresh-grated nutmeg) 各 1/3 茶匙左右 全丟進 攪拌機 內攪爛，即成翠綠、幼滑的 菠菜意粉醬汁。話時話，上述調味料的份量只是約數，請根據自己的口味自行加加減減。
燒熱平底鍋，先後加入 熟意粉 及 菠菜醬汁，以 中火 煮 1 分鐘，期間不時攪拌，讓意粉均勻吸收醬汁；喜歡的話還可加芝士，亦可同時加入已煮熟的餸料兜勻。
餸料 則當然是 分開煎／炒香 的吧，而我最常弄 しめじのバター醤油炒め 及 蒜鹽 paprika 煎蝦，也純粹因為大蝦、本菇往往也是雪櫃裡剩餘物資的一部分，哈哈。
食得！托賴肉豆蔻之福，菠菜醬汁濃郁香滑而不青腥，亦因為既沒忌廉又沒麵粉，甚至連芝士都唔多粒，吃起來毫不膩口，美味也。忌廉、麵粉、芝士同樣欠奉，或許會惹來「會唔會好似『湯』咁稀㗎」的疑慮，我的經驗卻是完・全・唔・會 — 只要 (1) 煮完意粉不過冷河，(2) 製作醬汁時加點煮意粉水一同攪拌，醬汁便會自行 thicken up 並掛到意粉之上，而且完全不會有「杰撻撻」的煩惱呢。
No comments:
Post a Comment