搵「滷」襯 @ 滷友記

2022-8-31

是日要出 銅鑼灣 自取一些網購的東西，出開去又當然順道吃埋午飯吧，反正家裡的物資都清得七七八八了。搭小巴在邊寧頓街下車，大蝗蟲逐提議說不如上樓吃寿司咯，然而 1:15pm 人在銅鑼灣卻沒預先訂檯，鬼有位麼？最後去了 加路連山道 的 滷友記 吃久違了的滷水食物 — 人在亞洲當然吃個夠本啦，回到倫敦想吃的話，只能從零開始自己再養起滷水膽來，要四出搜購大量香料之餘，製作也需時啊。

以滷水食物為主打，主食有飯、有麵，也有辣、有唔辣，對一個愛辣麵，一個要吃唔辣飯的我們而言，就剛好各取所需了。

又一自行 scan QR code 落單的地方

飲品點了 自家製蘋果雪梨雪耳 (+HKD12)，冰糖並不輕手，喝下比想像中甜，但也不失清潤，而且夠晒凍，係爽嘅。

點了 鹵友牛三寶麵 (HKD62) 配 麻辣湯 及 手造爽脆米粉 自私食。金錢肚爽韌度剛好，牛筋算腍，牛𦟌卻是軟扒扒一 pat 嘢，沒啥質感；味道則是三款都偏鹹，同時卻又欠了滷水應有的芳香層次，吃得無癮。

手造爽脆米粉 真的很爽，不硬、不會「行」，與新竹米粉非常相似喎。麻辣湯 則沒預期辣，但花椒麻香蠻重的，可以接受啦。

下圖是大蝗蟲的 古法鹵水金錢𦟌飯 (HKD67)。我試了分開上的 古法滷水汁，深度層次一般，不過都算頗有香味，至少不只是隨便弄個「豉油皇」出來，但又硬要把它喚作「滷水」吧。

That said，請別期望會嚐到潮州舖那些陳年滷水的味道 — 咁講好像很「摟打」，但與我仍住在香港時在家養了兩年多的滷水膽比較，這裡的滷水真的輸好多條街啊。

疫情期間煮來逗大蝗蟲開心的滷水併盤：滷水汁下了 7、8 種香料調製，用來滷
(1)「新紀元 暁」雞蛋、(2) 金久的絹厚揚げ、(3) 匈牙利鴨舌 及
(4) 西班牙 Hergosan 豬頸肉（2021 年 11 月初攝於中環舊居）

鹵水溏心蛋 (HKD9) 烚煮火喉佳，吃起來蛋黃溏心，蛋白嫩滑，可惜既不上色又不夠入味，看來頂多只是浸了一晚夜罷了？效果麻麻。

鹵水豆腐 (HKD30) 是嫩豆腐，質地非常滑溜，用筷子夾起卻又不易破，可惜吃下覺得只是普通豉油豆腐的味道，悶極。　

埋單每人 HKD96，印象普通，雖然試一次也無不可，不過我就絕對沒興趣再來了。

味道：3/5

環境：3/5

服務：2.5/5

滷友記 (Lo Yau Kee)

香港銅鑼灣加路連山道 5 號地舖

www.facebook.com/loyaukeehk