2022-1-23
是晚要以「菠蘿雞」身份參加飯局，只需出席、陪坐、陪吃及 mind my own business，不用付鈔，吃完甚至不用道謝，而選址 Roast 嘛，當然也唔 L 係我的主意吧。從沒吃過、也從沒想過要試 Borough Market 內這間餐廳，再綜合過去類似飯局的經驗，我對這頓飯也完全沒寄予任何期望；不過反正都無得唔去㗎啦，是 L 但啦真係。🤡
看完 Market Menu (2 courses GBP29) 覺得不大吸引，不過成檯人也說打算「叫 set」，我也不好意思自行從 à la carte menu 砌兩道菜出來食人 50 幾 60 鎊吧，費 L 事俾人話我食咁貴或是標奇立異乜乜 7 啦。
頭盤選了 leek and potato soup, truffle cream & chives。賣相「一鑊泡」的令人卻步，幸而既有陣陣松露香氣，也有 leek 的甜香，入口也很滑，sieve 得頗仔細啊。不過嘛，由於它始終是薯仔湯，所以喝完都幾飽的。
淺嚐大蝗蟲的 pork & black pudding Roast signature Scotch egg，蛋黃橙橙紅紅又夠溏心，吃起來香濃黏糯，是 Burford Brown 吧？免治豬肉及 black pudding 混合而成的 "sausage" 沒預期鹹香，同時卻又很 herby，不過我試完就未能為「喜歡與否」下結論了。
下圖是 C 太太的 beetroot cured Loch Duart salmon, pickled beets, dill creme fraiche, Avruga caviar，三文魚下了紅菜頭一同醃漬後變得紅紅的，驟眼睇甚至有點像吞拿魚赤身，不過我沒試了。話時話，餐牌明明已清楚列出這是 beetroot cured 的三文魚，席上竟仍有人 order 完、看到賣相後嘖嘖稱奇，「點解咁嘅色嘅？」ooh ooh ah ah 的，聽得我反白眼反到上天花板 — 識唔識字㗎屌？還是其實連紅菜頭係紅色嘅都唔知？
主食點了 confit duck leg, smoked pancetta & lentil ragu, savoy cabbage。以為會是法式小酒館或是 Duck & Waffle 那些油封鴨髀的格式，所以看見上檯竟是滿滿醬汁已心知不妙；結果鴨肉是不錯的，吃起來鹹香、離骨，肉質超級鬆化軟嫩喎。鴨皮卻只有一半屬微脆，另外那半是軟扒扒、肥脂又沒 render 好的，超噁心的口感！醬汁卻才是災難的源頭，鹹得離譜，感覺上比早前在鹹牛肉店吃 chips & gravy 的肉汁還更更更鹹，難吃！碟底的小扁豆我沒吃（註：從來也不喜歡 lentils，更遑論這碟 drenched in an outrageousy salty sauce 的啦），皺葉甘藍則蠻硬身的，亦同樣受超鹹醬汁所拖累，我吃了兩口便頂唔順放棄了。
下圖是 C 先生的 pan fried sea bream, onion compote, black olive, tender stem broccoli, Noilly Prat sauce，貌似皮脆，不過我沒試了。
連一瓶奧地利 Kamptal 產的 Weingut Rabl Grüner Veltliner 2019 白酒 (GBP48) 及一瓶法國 Lirac 產的 Les Cigalounes 2018 紅酒 (GBP47) 埋單每人約 GBP54，零期望之下仍然吃得不滿意，不過都係嗰句吧，反正這是由頭到尾也浪費時間又關我 L 事的一餐飯，是 L 但啦真係。
味道：3/5 (Scotch egg / leek & potato soup) ／ 1/5 (confit duck leg)
環境：3.5/5
服務：4/5
Roast
The Floral Hall, Stoney Street, Borough Market, London SE1 1TL, United Kingdom
No comments:
Post a Comment